Joriy yilning 26-mart kuni Oʻzbekiston Respublikasi Prezidenti huzuridagi statistika agentligi vakillari hamda Serbiya Respublikasi statistika boshqarmasi xodimlari oʻrtasida tajriba va amaliyot almashish maqsadida onlayn uchrashuv tashkil etildi.
Uchrashuv davomida Serbiya Respublikasi Statistika idorasi vakillari statistik jarayonlarni takomillashtirish uchun foydalaniladigan statistik hisobotlarni tuzish, metama’lumotlarni umumlashtirish va turli ma’lumotlar bazalaridan statistik ma’lumotlarni birlashtirish imkonini beruvchi axborot tizimlari texnologiyasi dasturiy mahsulotini namoyish etdi.
Eslatib oʻtamiz, 2020-yil 4-mart kuni Oʻzbekiston Respublikasi Davlat statistika qoʻmitasi va Serbiya Respublikasi statistika boshqarmasi oʻrtasida statistika sohasida hamkorlik toʻgʻrisida oʻzaro anglashuv memorandumi imzolangan edi.
Muzokaralar yakunida tomonlar ikki tomonlama hamkorlikni kengaytirish va ikki tomon uchun qiziq bo‘lgan masalalar bo‘yicha muloqot va uchrashuvlarni davom ettirishga kelishib oldilar.
