2024-yil 5-iyun kuni Oʻzbekiston Respublikasi Prezidenti huzuridagi Statistika agentligida joriy yilning 29–31-may kunlari Tojikiston Respublikasining Dushanbe shahrida MDH davlatlari milliy statistika xizmatlari mutaxassislarining “21-Xalqaro mehnat statistikasi konferetsiyasi doirasida mehnat statistikasini takomillashtirish” mavzusidagi seminar natijalari yuzasidan taqdimot oʻtkazildi.
Taqdimotda mazkur seminarda ishtirok etgan agentlikning Demografiya, mehnat va gender statistikasi boshqarmasi boshligʻi Zoyir Yuldoshev ishtirokchilarni yigʻilishda koʻrib chiqilgan masalalar, mehnat statistikasini rivojlantirish boʻyicha ekspertlar tomonidan berilgan tavsiyalar hozirgi holat va kamchiliklar, koʻrsatkichlarni shakllantirish boʻyicha usullar bilan tanishtirdi.
Shuningdek, tadbir davomida mavzu yuzasidan fikr-mulohazalar almashinib, qatnashchilarni qiziqtirgan savollarga atroflicha javob berildi.
