Joriy yilning 8–19-iyul kunlari Koreya Respublikasining Tejon shahridagi Statistika institutida UNFPA tomonidan Koreya Respublikasi Statistika instituti (KOSTAT) bilan birgalikda Aholi boʻyicha 11-yozgi seminar tashkil etildi.
Seminarda Oʻzbekiston, Burkina-Faso, Jibuti, Hindiston, Mavritaniya, Malayziya, Moʻgʻuliston, Nepal, Xitoy, Koreya Respublikasi, Filippin, Shri-Lanka statistika organlari, davlat idoralari, ilmiy-tadqiqot institutlari vakillari ishtirok etdi.
Mazkur seminarda Oʻzbekiston Respublikasi Prezidenti huzuridagi Statistika agentligi Demografiya, mehnat va gender statistikasi boshqarmasi Mehnat statistikasi koʻrsatkichlarini shakllantirish boʻlimi bosh mutaxassisi Aliya Tairova ham qatnashdi.
Tadbirda Avstraliya Milliy universiteti professorlari Edit Grey va Vladimir Kanudas-Romo demografik nuqtayi nazardan tugʻilish va oʻlimning asosiy tushunchalari, tugʻilish va oʻlim darajasini oʻlchash, tugʻilishni bashorat qilish yoʻllari, kutilayotgan umr koʻrish davomiyligi va oʻlim modellari haqida tushuntirib berdilar.
Amaliy mashgʻulotlar Excell, Stata va R kabi dasturlar yordamida ham oʻtkazildi.