2024- yilning 27- sentabr kuni Oʻzbekiston Respublikasi Prezidenti huzuridagi Statistika agentligida shu yilning 22–24- sentabr kunlari Qozog‘istonning Olmaota shahrida bo’lib o‘tgan “Iqtisodiy statistikaning yangi tendensiyalari va katta hajmdagi ma’lumotlarni qayta ishlash texnologiyalari” bo‘yicha yuqori darajadagi statistika kengashi yig‘ilishining natijalari yuzasidan taqdimot boʻlib oʻtdi.
Taqdimotda jarayonida Oʻzbekiston Respublikasi Prezidenti huzuridagi Statistika agentligining Raqamli texnologiyalar va interaktiv xizmatlarni rivojlantirish boshqarmasi boshligʻi o‘rinbosari Shaxboz Samadov yig‘ilish davomida egallagan yangi bilim va koʻnikmalarini agentlik xodimlariga yetkazdi.
Jumladan, statistik ma’lumotlarni tarqatishda shaffoflik darajasi va katta hajmdagi ma’lumotlarni qayta ishlash texnologiyalarini statistika tizimiga joriy etish masalalari koʻrib chiqildi.
Shu bilan birga, xalqaro ekspertlar tavsiyalari va ishtirok etuvchi mamlakatlarninig katta hajmdagi ma’lumotlarni qayta ishlash texnologiyalari boʻyicha oʻrganilgan ilgʻor tajribalari tanishtirildi.
Shuningdek, tadbir davomida mavzu yuzasidan fikr-mulohazalar almashinib, ishtirokchilarni qiziqtirgan savollarga atroflicha javob berildi.