2024- yilning 7- oktabr kuni Oʻzbekiston Respublikasi Prezidenti huzuridagi Statistika agentligida shu yilning 23–25- sentabr kunlari Mo‘g‘ulistonning Ulan-Bator shahrida bo’lib o‘tgan “Barqaror rivojlanish maqsadlari statistikasi sifati bo‘yicha Osiyo va Tinch okeani mintaqasi uchun mintaqaviy oʻquv seminari” yuzasidan taqdimot oʻtkazildi.
Taqdimotda Oʻzbekiston Respublikasi Prezidenti huzuridagi Statistika agentligining Ijtimoiy soha va barqaror rivojlanish statistikasi boshqarmasining notijorat tashkilotlar faoliyati, madaniyat va turizm sohalarida statistik kuzatuvlar bo‘limi bosh mutaxassisi Aziz Eshboyev yig‘ilish davomida egallagan yangi bilim va koʻnikmalarini agentlik xodimlariga yetkazdi.
Jumladan, Barqaror rivojlanish maqsadlari statistikasi sifati bo‘yicha Birlashgan Millatlar Tashkilotining statistika bo‘limi (UNSD) ekspertlarining tavsiyalari va Mo‘g‘uliston, Kambodja, Fiji, Indoneziya, Qirg‘iz Respublikasi, Maldiv Respublikasi, Pokiston, Tojikiston, Sharqiy Timor va Turkiya Milliy statistika idoralarining sifatni ta’minlash bo‘yicha tajribalari koʻrib chiqildi.
Shuningdek, tadbir davomida mavzu yuzasidan fikr-mulohazalar almashinib, ishtirokchilarni qiziqtirgan savollarga atroflicha javob berildi.
