Joriy yilning 28-iyul kuni Toshkent shahar statistika boshqarmasida Milliy statistika qoʻmitasi tomonidan hududiy statistika organlari xodimlari uchun navbatdagi sayyor o‘quv seminari o‘tkazildi.
Seminarda, Oʻzbekiston Respublikasi Prezidentining 2025-yil 24-fevraldagi “Oʻzbekiston Respublikasi Milliy statistika qo‘mitasi faoliyatini tashkil etish chora-tadbirlari toʻgʻrisida”gi PQ-75-sonli qaroriga muvofiq, tadbirkorlarga “Biznes uchun statistika” konsalting xizmatini tashkil etish masalalari atroflicha muhokama etildi.
Xususan, seminar ishtirokchilariga tadbirkorlik sub’ektlari uchun maslahat va axborot-tahliliy ko‘mak ko‘rsatish tizimini joriy etish bo‘yicha Milliy statistika qo‘mitasi tomonidan ishlab chiqilgan “Biznes uchun statistika” konsalting xizmatining konsepsiyasi va mazkur xizmatni ko‘rsatish tartibi tushuntirib o‘tildi.
Seminarda statistika organlari konsalting xizmatlarini ko‘rsatish jarayonlarini tashkil etish mexanizmlari aniq misollar bilan koʻrsatib o‘tildi va ishtirokchilarni qiziqtirgan savollarga batafsil javob berildi.
