Oʻzbekiston Respublikasi Mustaqilligining 34 yilligi bayrami arafasida “Obod va fayzli mahalla – yurt koʻrki” shiori ostida joriy yilning 22–23-avgust kunlari mamlakatimiz boʻylab umumxalq xayriya hashari oʻtkazilmoqda.
Mazkur ezgu tashabbus doirasida Milliy statistika qoʻmitasi markaziy apparati xodimlari ham faol qatnashdi.
Hashar davomida qoʻmita hududi obodonlashtirildi, bino, xonalarda tozalash ishlari olib borilib, yashil hududlar tartibga keltirildi.
Bu kabi tadbirlar xalqimiz birdamligini oshirish, milliy urf-odatlarimizni abadiylashtirish, shuningdek, atrof-muhitni asrab-avaylash, hududlarni obodonlashtirish hamda sogʻlom turmush tarzini targʻib etishga xizmat qiladi.
