Moskva shahrida bo‘lib o‘tgan “III Xalqaro talabalar statistika festivali” doirasida statistika bo‘yicha xalqaro talabalar olimpiadasida Toshkent davlat iqtisodiyot universiteti jamoasi jamoaviy bahslarda 3-o‘rinni, yakkalik bahslarida esa 3-kurs talabasi Usmanova Madina Botir qizi faxrli 2-o‘rinni egalladi.
Mazkur yutuq munosabati bilan g‘olib talabalar ishtirokida davra suhbati tashkil etildi. Uchrashuv davomida ishtirokchilar xalqaro tanlov tajribasi, tayyorgarlik jarayoni, statistika sohasidagi zamonaviy yondashuvlar hamda kelgusi rejalari haqida fikr almashdilar.
Tadbir yakunida yoshlarning ilmiy salohiyatini qo‘llab-quvvatlash, ularni xalqaro maydonda munosib ishtirok etishga rag‘batlantirish muhimligi alohida ta’kidlandi. Davra suhbati videotasvirga olinib qo‘mitaning rasmiy YouTube sahifasiga joylashtirildi.