Navroʻz bayramini koʻtarinki ruhda nishonlash, Ramazon oyini munosib oʻtkazish hamda hududlarni obodonlashtirish maqsadida 13–14-mart kunlari yurtimizda umumxalq xayriya hashari oʻtkazilmoqda.
Mazkur ezgu tashabbus doirasida Milliy statistika qoʻmitasi markaziy apparati xodimlari ham faol ishtirok etdi.
Hashar davomida qoʻmita hududi obodonlashtirildi, bino va xonalarda tozalash ishlari olib borildi, yashil hududlar tartibga keltirildi.
Bunday tadbirlar xalqimiz birdamligini mustahkamlash, milliy urf-odatlarimizni asrab-avaylash, atrof-muhitni muhofaza qilish hamda sogʻlom turmush tarzini targʻib etishga xizmat qiladi.
