Joriy yilning 2-aprel kuni Toshkent shahrining Chilonzor tumanida Milliy statistika qo‘mitasiga biriktirilgan ishsiz yoshlar bilan ochiq muloqot tashkil etildi.
Unda Milliy statistika qo‘mitasi raisi o‘rinbosari Z. Ziyayev, Toshkent shahar statistika boshqarmasi boshlig‘i X. Narziyev, mahalla yoshlar yetakchilari hamda yoshlar ishtirok etdi.
Uchrashuv davomida yoshlarni munosib ish bilan ta’minlash, ularning xohish va intilishlarini qo‘llab-quvvatlash, kasb-hunar egallash hamda ta’lim olishga yo‘naltirish masalalari muhokama qilinib, ularning muammo va takliflari tinglandi.
Muloqot jarayonida yoshlar tomonidan jami 6 ta masala ko‘tarildi. Ularning 5 tasi joyida ijobiy hal etilib, 2 nafar yoshga zamonaviy noutbuklar topshirildi va yana 2 nafar yoshga esa o‘quv kurslarida bepul ta’lim olish imkonini beruvchi sertifikatlar taqdim etildi. 1 ta masala esa tegishli tartibda ko‘rib chiqish uchun nazoratga olindi.
