Shu munosabat bilan bugun mamlakatimiz bo‘ylab barcha tashkilot va idoralar xodimlari buyuk sohibqiron haykali poyiga gulchambar qo‘yib, uning xotirasiga hurmat bajo keltirdilar. Milliy statistika qo‘mitasi jamoasi ham ushbu ma’naviy tadbirda faol ishtirok etdi.
Sohibqiron davrida ilm-fan, me’morchilik va madaniyat rivoji yangi bosqichga ko‘tarildi. Uning keng ko‘lamli bunyodkorlik ishlari hamda adolatga asoslangan davlat boshqaruvi bugungi kunda ham yuksak e’tirof etiladi.
Amir Temurning boy merosi, adolat va kuchga tayangan boshqaruv tamoyillari bugungi kunda ham xalqimiz uchun faxr va ibrat manbai bo‘lib xizmat qilmoqda.