Milliy statistika qo‘mitasi ma’lumotlariga ko‘ra, 2026-yil 1-yanvar holatiga O‘zbekistonda falsafa doktori — PhD ilmiy darajasiga, shuningdek, xorijiy davlatda olingan fan nomzodi ilmiy darajasi yoki unga tenglashtirilgan boshqa ilmiy darajaga ega mutaxassis-tadqiqotchilar soni 15,5 ming nafarni tashkil etdi.
Bu ko‘rsatkich 2025-yil 1-yanvar holatiga nisbatan 1,4 ming nafarga yoki 9,9 foizga oshgan.
Fan doktori — DSc ilmiy darajasiga ega mutaxassis-tadqiqotchilar soni esa 4,8 ming nafarni tashkil etib, yil davomida 1,8 ming nafarga yoki 60 foizga ko‘paygan.
