Milliy statistika qo‘mitasi ma’lumotlariga ko‘ra, 2025-yil 1-sentyabr holatiga respublikamizda chet el investitsiyasi ishtirokida 16 946 ta korxona faoliyat yuritmoqda. Shundan 4 144 tasi qo‘shma, 12 802 tasi esa xorijiy korxonalardir.
Ular iqtisodiy faoliyat turlari bo‘yicha quyidagicha:
− savdo sohasida – 6 053 ta;
− sanoat sohasida – 3 538 ta;
− qurilish sohasida – 1 282 ta;
− axborot va aloqa sohasida – 1 239 ta;
− yashash va ovqatlanish bo‘yicha xizmatlar sohasida – 714 ta;
− tashish va saqlash sohasida – 553 ta;
− qishloq, o‘rmon va baliqchilik xo‘jaligi sohasida – 430 ta;
− sog‘liqni saqlash va ijtimoiy xizmat ko‘rsatish sohasida – 203 ta;
− boshqa sohalarda – 2 934 ta.
