Joriy yilning 17-oktabr kuni Milliy statistika qoʻmitasida 21-oktabr — Oʻzbek tili bayrami kuni munosabati bilan maʼnaviy-maʼrifiy tadbir boʻlib oʻtdi.
Tadbirda “Shuhrat” medali sohibasi, Oʻzbekiston Yozuvchilar uyushmasi aʼzosi, shoira Farogʻat Xudoyqulova hamda qoʻmita markaziy apparati xodimlari ishtirok etdi.
Maʼrifat tadbirida ona tilimizning milliy gʻurur, maʼnaviyat va istiqlol timsoli ekani taʼkidlanib, davlat tilining jamiyat taraqqiyotidagi oʻrni haqida soʻz yuritildi.
Shuningdek, ona tiliga boʻlgan hurmat va ehtirom, uning toʻgʻri va sof ishlatilishi yuzasidan fikr almashildi. Tadbir goʻzal sheʼrlar bilan birgalikda koʻtarinki kayfiyatda, savol-javob tarzida boʻlib oʻtdi.