Milliy statistika qo‘mitasida xodimlar o‘rtasida kitob ulashishga qaratilgan xayrli va ma’rifiy tashabbus o‘tkazildi.
Loyiha doirasida qo‘mita xodimlari o‘z shaxsiy kutubxonalaridan turli mavzudagi badiiy, ilmiy-ommabop va ma’rifiy kitoblarni olib kelib, ushbu ezgu ishga o‘z hissalarini qo‘shdilar.
To‘plangan kitoblar Milliy statistika qo‘mitasi kutubxonasiga joylashtirildi. Endilikda ushbu kitoblardan qo‘mita xodimlari, amaliyot o‘tayotgan talabalar hamda kitobxonlikka qiziquvchi barcha xodimlar foydalanishlari mumkin.
Bunday tashabbuslar xodimlar o‘rtasida kitobxonlik madaniyatini rivojlantirish, ma’naviy muhitni yanada boyitish hamda bilim almashish an’anasini mustahkamlashga xizmat qiladi.