Миллий статистика қўмитасида ходимлар ўртасида китоб улашишга қаратилган хайрли ва маърифий ташаббус ўтказилди.
Лойиҳа доирасида қўмита ходимлари ўз шахсий кутубхоналаридан турли мавзудаги бадиий, илмий-оммабоп ва маърифий китобларни олиб келиб, ушбу эзгу ишга ўз ҳиссаларини қўшдилар.
Тўпланган китоблар Миллий статистика қўмитаси кутубхонасига жойлаштирилди. Эндиликда ушбу китоблардан қўмита ходимлари, амалиёт ўтаётган талабалар ҳамда китобхонликка қизиқувчи барча ходимлар фойдаланишлари мумкин.
Бундай ташаббуслар ходимлар ўртасида китобхонлик маданиятини ривожлантириш, маънавий муҳитни янада бойитиш ҳамда билим алмашиш анъанасини мустаҳкамлашга хизмат қилади.