2026-yil 13-avgust kuni Milliy statistika qo‘mitasida xodimlarning nutq madaniyati va notiqlik mahoratini oshirishga qaratilgan mahorat darsi tashkil etildi.
Mahorat darsini notiq, tarixchi va adabiyotshunos, O‘zbekiston jurnalistika va ommaviy kommunikatsiyalar universiteti katta o‘qituvchisi Jamoliddin Abdullayev olib bordi.
Tadbir davomida ta’sirchan va mazmunli nutq tuzish, fikrni auditoriyaga aniq hamda tushunarli yetkazish, tinglovchilar e’tiborini jalb qilish va uni saqlab turish usullari haqida batafsil ma’lumot berildi.
Shuningdek, nutq jarayonida ovoz imkoniyatlaridan to‘g‘ri foydalanish, talaffuz va ohang ustida ishlash, tana tilini samarali qo‘llash hamda sahna hayajonini yengish bo‘yicha amaliy tavsiyalar berildi.
Tadbir xodimlarning kasbiy muloqot ko‘nikmalarini rivojlantirish, nutq madaniyatini yuksaltirish va jamoatchilik oldida ishonchli chiqish qobiliyatini mustahkamlashga xizmat qildi.