Birlashgan Millatlar Tashkilotining Yevropa iqtisodiy komissiyasi va Milliy statistika qoʻmitasi hamkorligida iqlim sohasida samarali, inklyuziv va shaffof chora-tadbirlarni amalga oshirish uchun statistika va maʼlumotlarni takomillashtirishga bagʻishlangan mintaqaviy seminar davom etmoqda.
24-sentyabr kuni Milliy statistika qoʻmitasida oʻtkazilgan sessiyalarda Qoʻmitada amalga oshirilayotgan transformatsiya va modernizatsiya jarayonlari, 2026–2030-yillarga moʻljallangan statistikani rivojlantirish milliy strategiyasi, iqlim oʻzgarishi bilan bogʻliq statistikani muvofiqlashtirish, issiqxona gazlari inventarizatsiyasi va energetika statistikasi masalalari muhokama qilindi.
Shuningdek, qishloq xoʻjaligi, oʻrmon xoʻjaligi va yer resurslari statistikasi boʻyicha xalqaro ekspertlar va Milliy statistika qoʻmitasi mutaxassislari ishtirokida fikr almashildi.
Mintaqaviy seminar 25-sentyabrga qadar davom etadi.
