Har yili 1-iyun butun dunyo bo‘ylab Xalqaro bolalarni himoya qilish kuni sifatida keng nishonlanadi.
Ushbu kun munosabati bilan, O‘zbekiston Respublikasi Milliy statistika qo‘mitasi kasaba uyushmasi tomonidan xodimlarning farzandlari uchun Ashxobod bog‘iga sayohat vaucherlari taqdim etildi. Ushbu vaucherlar bolajonlarga bayram kunini ota-onalari, yaqinlari bilan mazmunli o‘tkazib, madaniy hordiq chiqarish imkonini beradi.
Mazkur tashabbus xodimlar farzandlariga e’tibor va g‘amxo‘rlikning amaliy ifodasi, kasaba uyushmasining ijtimoiy himoya va rag‘batlantirish yo‘nalishidagi faoliyatining yorqin namunasi va bolalar uchun unutilmas bayram sovg‘asi bo‘lib xizmat qiladi.