Milliy statistika qoʻmitasi yoshlar yetakchisi tashabbusi bilan qoʻmita markaziy apparati hamda hududiy boshqarmalarda faoliyat yuritayotgan yosh xodimlpr ishtirokida “Aholi va qishloq xoʻjaligini roʻyxatga olish” tadbiri yuzasidan muhokama yigʻilishi oʻtkazildi.
Yigʻilishda census.stat.uz veb-sayti faoliyati, targʻibot media-rejasi yuzasidan yoshlarning taklif va fikr-mulohazalari tinglandi.
Aholi va qishloq xoʻjaligini roʻyxatga olish – mamlakatda ijtimoiy-iqtisodiy taraqqiyot yoʻnalishlarini belgilashda muhim ahamiyatga ega. Shu bois yosh kadrlar faol ishtirokini taʼminlash, ularning yangicha gʻoya va tashabbuslarini amaliyotga joriy etishga katta eʼtibor qaratilmoqda.
Muhokama yakunida yoshlar tomonidan berilgan takliflar tizimlashtirildi va ularni jarayonda qoʻllash yuzasidan tegishli masʼullarga topshirildi.