Joriy yilning 11-iyun kuni Milliy statistika qo‘mitasida yosh xodimlar ishtirokida startap loyihalar bo‘yicha amaliy seminar tashkil etildi.
Seminar davomida startap loyihalarni amalga oshirish va rivojlantirish mexanizmlari, yoshlar uchun yaratilgan imkoniyatlar, mavjud qo‘llab-quvvatlash dasturlari hamda loyihalarni ilgari surishga xizmat qiluvchi platformalar haqida ma’lumotlar berildi.
Shuningdek, startap tashabbuslarni ro‘yobga chiqarish, tegishli tanlov va dasturlarda ishtirok etish, grant va boshqa moliyaviy ko‘maklardan foydalanish imkoniyatlari yuzasidan tushuntirishlar berildi.
Seminar yakunida ishtirokchilarni qiziqtirgan savollarga javob berildi.
