Qashqadaryo viloyati statistika boshqarmasida korrupsiyaning oldini olish, unga qarshi murosasiz munosabatni shakllantirish hamda xodimlarning huquqiy bilimlarini oshirishga bag‘ishlangan o‘quv seminari tashkil etildi.
Tadbirda korrupsiyaga qarshi kurashish bo‘yicha amaldagi qonunchilik hujjatlarining mazmun-mohiyati, xizmat faoliyatida ochiqlik va shaffoflikni ta’minlash, manfaatlar to‘qnashuviga yo‘l qo‘ymaslik hamda odob-axloq qoidalariga rioya etish masalalari muhokama qilindi.
Shuningdek, korrupsiyaviy xavf-xatarlarning oldini olishda har bir xodimning mas’uliyati alohida qayd etilib, seminar ishtirokchilariga amaliy tavsiyalar berildi.