Milliy statistika qo‘mitasi tomonidan hududiy statistika boshqarmalarining korrupsiyaga qarshi kurashish masalalariga mas’ul xodimlari uchun “Korrupsiyaga qarshi kurashishda qonunchilik targ‘iboti” mavzusida videokonferensaloqa shaklida seminar tashkil etildi.
Seminarda korrupsiyaga qarshi kurashish sohasidagi qonunchilik hujjatlarining mazmun-mohiyati, korrupsiyaviy xavflarning oldini olish, manfaatlar to‘qnashuviga yo‘l qo‘ymaslik, shuningdek, xodimlarning huquqiy bilim va mas’uliyatini oshirish masalalari yuzasidan batafsil tushuntirishlar berildi.
Tadbir davomida hududiy statistika boshqarmalarida korrupsiyaga qarshi ichki nazorat mexanizmlarini samarali yo‘lga qo‘yish, profilaktik tadbirlarni tizimli tashkil etish hamda korrupsiyaga nisbatan murosasiz munosabatni yanada mustahkamlash bo‘yicha fikr almashildi.
Seminar yakunida ishtirokchilarning savollariga javob berilib, hududiy boshqarmalarda qonunchilik targ‘ibotini muntazam olib borish va bu boradagi ishlar samaradorligini oshirish yuzasidan tavsiyalar bildirildi.