Farg‘ona viloyatida multiindikator klaster kuzatuvlari (MICS)ni o‘tkazishga ko‘rilayotgan tayyorgarlik ishlari yuzasidan tadbir tashkil etildi. Tadbir ishtirokchilariga Davlat statistika qo‘mitasining Ijtimoiy soha va barqaror rivojlanish statistikasi boshqarmasi boshlig‘i o‘rinbosari Jahongir Qambarov MICS bo‘yicha batafsil tushunchalar berdi.
Dastlab kuzatuvni o‘tkazishda ishtirok etuvchi supervayzer va intervyuyerlar bilan fikr-mulohaza almashildi. Suhbat davomida saralab olingan supervayzer va intervyuyerlarning MICS kuzatuvi bo‘yicha bilim darajasi baholandi. Shuningdek, savolnomalar, umumiy tushunchalar va kuzatuvning dolzarbligi muhokama qilindi.
Kunning ikkinchi yarmida Quvasoy tumani “Hamdo‘stlik” mahallasida MIСS kuzatuvini o‘tkazishda muhim ahamiyatga ega bo‘lgan xaritalash va uy xo‘jaliklari ro‘yxatini tuzish ishlari qay darajada tashkil etilgani o’rganilib, tegishli ko‘rsatmalar berildi.
Matbuot xizmati