2026 йил 21 август куни Миллий статистика қўмитаси раиси Б. Ҳамраев ҳамда халқаро экспертлар Анита Пержина, Мариана Тотева ва Расмийя Алиева иштирокида миссия якунларига бағишланган учрашувлар бўлиб ўтди.
Учрашувларда миссия доирасида амалга оширилган ишлар сарҳисоб қилиниб, аҳоли ва қишлоқ хўжалигини рўйхатга олиш натижаларидан миллий ҳисоблар ҳамда қишлоқ хўжалиги статистикасида самарали фойдаланиш масалалари муҳокама қилинди.
Шунингдек, статистик маълумотларнинг ўзаро мувофиқлиги, изчиллиги ва сифатини таъминлаш, амалдаги методологияни халқаро стандартлар асосида такомиллаштириш ҳамда кузатилмайдиган иқтисодиётни статистик баҳолаш бўйича экспертларнинг хулоса ва тавсиялари тингланди.
Б. Ҳамраев халқаро экспертларга миссия давомида амалга оширилган ишлар ва билдирилган амалий тавсиялар учун миннатдорлик билдирди. Томонлар белгиланган йўналишлар бўйича ҳамкорликни давом эттиришга тайёр эканликларини қайд этдилар.