Миллий статистика қўмитаси маълумотларига кўра, 2026 йилнинг январь–июнь ойларида Ўзбекистон хорижга қиймати 872,9 млн АҚШ долларига тенг бўлган 1 086,7 минг тонна мева-сабзавот маҳсулотлари экспорт қилган.
Мева-сабзавот маҳсулотлари экспорти ҳажми 2025 йилнинг мос даврига нисбатан 8,5 минг тоннага ошган. Экспорт қиймати эса ўтган йилнинг мос даврига нисбатан 3 фоизга кўпайган.
Экспорт таркиби қуйидагича:
сабзавотлар — 504,3 минг тонна;
мева ва резаворлар — 158,5 минг тонна;
тарвуз ва қовун — 128,6 минг тонна;
мош — 35 минг тонна;
ерёнғоқ ва ёнғоқлар — 12,4 минг тонна;
бошқалар — 248 минг тонна.
