Миллий статистика қўмитасида Фавқулодда вазиятлар вазирлиги масъуллари иштирокида ходимларнинг фавқулодда вазиятларда тўғри ҳаракат қилиш кўникмаларини мустаҳкамлашга қаратилган ўқув-амалий тадбир ташкил этилди.
Тадбир давомида ёнғин хавфсизлиги қоидалари, бирламчи ёнғин ўчириш воситаларидан фойдаланиш тартиби, фавқулодда ҳолатларда эвакуация жараёнини тўғри ташкил этиш ҳамда ходимларнинг тезкор ва мувофиқлаштирилган ҳаракат қилиши бўйича амалий тушунтиришлар берилди.
Шунингдек, масъуллар томонидан махсус техник воситалар ва ёнғин ўчириш жиҳозларидан фойдаланиш тартиби кўрсатиб берилди. Тадбир ходимларнинг хавфсизлик маданиятини ошириш ва фавқулодда вазиятларга тайёргарлигини кучайтиришга хизмат қилди.
