30 июнь — Ёшлар куни муносабати билан Миллий статистика қўмитаси марказий аппаратида фаолият юритаётган ёш ходимлар иштирокида Бўстонлиқ туманидаги “Ёшлар оромгоҳи”да фаол дам олиш тадбири ўтказилди.
Тадбир ёш ходимлар ўртасида жамоавий ҳамжиҳатликни мустаҳкамлаш, ўзаро фикр алмашиш, соғлом турмуш тарзини тарғиб қилиш ҳамда уларнинг бўш вақтини мазмунли ташкил этиш мақсадида ташкил қилинди.
Дастур доирасида психологик тренинг, футбол, волейбол, стол тенниси ва сузиш бўйича спорт машғулотлари, шунингдек, “Заковат” интеллектуал ўйини ўтказилди.
