Жорий йилнинг 28 август куни Миллий статистика қўмитасида Ўзбекистон Республикаси давлат мустақиллигининг 35 йиллигига бағишланган байрам тадбири бўлиб ўтди.
Тадбирни Қўмита раиси Б. Ҳамраев очиб бериб, мустақилликнинг мамлакатимиз тараққиётидаги беқиёс аҳамияти, ўтган давр мобайнида эришилган ютуқлар ҳамда амалга оширилаётган кенг кўламли ислоҳотлар ҳақида сўз юритди.
Тадбир давомида “Ўзбекистон Республикаси давлат мустақиллигининг 35 йиллиги” эсдалик нишонларини топшириш маросими ўтказилди.
Шунингдек, аҳоли ва қишлоқ хўжалигини рўйхатга олиш тадбирида фаоллик кўрсатган яна бир гуруҳ ходимлар ташаккурномалар билан тақдирланди.
Бундан ташқари, статистика соҳасида самарали фаолият юритиб келаётган бир гуруҳ ходимларга фахрий ёрлиқлар топширилди.
Тадбир сўнгида байрам дастурхони ёзилди.